ကင်ရှာဆာ၊ စက်တင်ဘာ-၁၄-၂၀၂၄
ရတီ (VOM)
ကွန်ဂိုဒီမိုကရက်တစ် သမ္မတနိုင်ငံမှာ သမ္မတကို ဖြုတ်ချအာဏာသိမ်းဖို့ ကြိုးပမ်းမှုနဲ့ အမေရိကန်သုံးယောက်၊ ဗြိတိန်၊ ဘယ်လ်ဂျီယံ၊ ကနေဒါနိုင်ငံသားတယောက်စီအပါအဝင် လူ ၃၇ ယောက်ကို သေဒဏ်ချမှတ်လိုက်ပါတယ်။
ပြစ်ဒဏ်ချမှတ်ခံရသူတွေဟာ ပြီးခဲ့တဲ့ မေလအတွင်းက သမ္မတနန်းတော်နဲ့သမ္မတ မဟာမိတ်တယောက်ရဲ့ နေအိမ်ကို တိုက်ခို်ကမှုမှာ ဦးဆောင်ခဲ့တယ်လို့ အာဏာပိုင်တွေက စွပ်စွဲထားပါတယ်။ သေဒဏ်စီရင်တာတွေကို ကွန်ဂိုမှာ မလုပ်တာ ပျှမ်းမျှအားဖြင့် နှစ် ၂၀ ဝန်းကျင်ရှိပြီဖြစ်ပါတယ်။
လုပ်ကြံမှုရဲ့ခေါင်းဆောင်လို့ သတ်မှတ်ခံထားရတဲ့ တိုက်ခို်ကမှုရဲ့ခေါင်းဆောင် ကွန်ဂိုနွယ်ဖွား အမေရိကန်နိုင်ငံသား ခရစ်တီယန်မာလာဂါဟာ တိုက်ခို်ကမှုအတွင်း အခြားငါးယောက်နဲ့အတူ သေဆုံးခဲ့ပါတယ်။
မာလာဂါရဲ့ သားဖြစ်သူ အမေရိကန်နိုင်ငံသား မာဆယ်ကတော့ ဒီတိုက်ခိုက်မှုမှာ မပါဘူးဆိုရင် သူ့ကို သတ်ပစ်မယ်လို့ ဖခင်ဖြစ်သူက ခြိမ်းခြောက်ခဲ့ကြောင်း တရားရုံးမှာ ထွက်ဆိုထားပါတယ်။
ဒီအမှုနဲ့ပတ်သက်ပြီး လူပေါင်း ၅၁ ယောက်ကို စစ်ခုံရုံးမှာ စစ်ဆေးခဲ့ပြီး ကြားနာမှုတွေကို နိုင်ငံပိုင် ရုပ်မြင်သံကြားနဲ့ ရေဒီယိုတွေကနေ ထုတ်လွှင့်ပြသခဲ့ပါတယ်။ ၎င်းတို့အနက် ၁၄ ယောက်ဟာ တိုက်ခိုက်မှုနဲ့ ဆက်နွယ်ခြင်းမရှိတာကြောင့် တရားသေပြန်လွှတ်ပေးခဲ့ပါတယ်။
အာဏာသိမ်းဖို့ကြိုးပမ်းမှုဟာ မေ ၁၉ ရက်အစောပိုင်းက ဖြစ်ပွားခဲ့ပြီး စစ်တပ်ယူနီဖောင်းဝတ်ထားတဲ့ လက်နက်ကိုင် အယောက် ၂၀၀ လောက်ဟာ ကင်ရှာဆာရှိ ပါလီမန်ဥက္ကဌရဲ့ နေအိမ်ကိုတိုက်ခိုက်ပြီးနောက်မှာ သမ္မတနန်းတော်ကိုပါ ဦးတည်တိုက်ခိုက်ခဲ့ပြီး အပြန်အလှန်ပစ်ခတ်မှုတွေ ဖြစ်ပွားခဲ့ပါတယ်။
Ref:BBC
Photo:Reuters
Related posts
-
လက်ဘနွန်မှာ ဆက်သွယ်ရေးစက်တွေ ဆက်တိုက်ပေါက်ကွဲလို့ လူ ၃၀၀၀ နီးပါးဒဏ်ရာရ၊ အစ္စရေး လက်ချက်လို့ စွပ်စွဲ
ဘေရွတ်၊ စက်တင်ဘာ-၁၈-၂၀၂၄ မျိုးဆက်(VOM) လက်ဘနွန်နိုင်ငံတဝန်းမှာ ကြိုးမဲ့စက်သွယ်ရေးစက် ပေဂျာတွေ တပြိုက်နက်တည်းလို ပေါက်ကွဲမှုတွေ ဖြစ်ပွားခဲ့တာကြောင့်... -
ပြည်ပရောက် အလုပ်သမားတွေရဲ့ လွှဲပို့ငွေစာရင်း မတင်ပြနိုင်တဲ့ အလုပ်အကိုင် အေဂျင်စီ ၁၅၀ နီးပါး အရေးယူခံရ
စက်တင်ဘာ ၁၈ – ၂၀၂၄SN (VOM)ပြည်ပရောက် အလုပ်သမားတွေရဲ့ မိသားစုဆီလွှဲပို့တဲ့ လစာငွေလွှဲစာရင်း တင်ပြနိုင်ခြင်းမရှိတဲ့... -
ရေဘေးအတွက် အိမ်အမိုးသွပ်တွေ ၄၀ ရာခိုင်နှုန်း စျေးလျှော့ရောင်းမယ်လို့ ဆောက်လုပ်ရေးအသင်းချုပ် ပြော
စက်တင်ဘာ ၁၈ ၊ ၂၀၂၄KH(VOM)ရေဘေးသင့်ဒေသတွေ ပြန်လည်ထူထောင်ရေး အထောက်အပံဖြစ်ဖို့ ရည်ရွယ်ပြီး မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် (MCEF)...